Julian Deda : Kurre nuk thuhet kurre!

 

Tashmë janë në sezonin e tyre të tretë dhe duket se kanë arritur kulmin e pjekurisë së tyre artistike. Pas largimit nga “Portokalli” grupi “Shblsh” ka gjetur “strehë” në Vizion plus në spektaklin “Apartamenti 2XL” i cili është shndërruar shumë shpejt në një ndër programet më të ndjekura në Shqipëri. Në intervistën e dhënë për “Freepress” Julian Deda na flet për sezonin e ri të “Apartamenti 2XL”, projektet e tij teatrore, eksperienca në “Dancing with the stars”, oshilacionet në karrierën e tij si dhe marrëdhëniet me kolegët e tij.

Julian përshëndetje ! Si po shkon sezoni i tretë i “Apartamenti 2XL” ?

 Pershendetje dhe falemnderit për ftesën. Sezoni i tretë është pak a shumë si edhe dy sezonet e kaluar, gjithmonë në kërkim të materialeve dhe personazheve për të inskenuar. Mirëpo përveç sezonit të parë gjithë sezonet e tjerë kanë pak më shumë vështirësi pasi sapo ke kaluar një, dy apo tre sezone dhe  je i detyruar minimalisht të ruash të njëjtin standard dhe më pas të përpiqesh që të përmirësohesh. Për të bërë më të mirën dhe të jesh një shkallë më lart se vitin e kaluar duhet që të punosh më shumë . Por puna jonë varet shumë edhe nga realiteti, nga gjërat që ndodhin në jetën e përditshme. Sa më shumë gjëra që ndodhin në jetën e përditshme aq më tepër ngacmime do të kemi edhe ne për të bërë humor. Janë shfaqur dy puntata nga sezoni i tretë dhe më duhet të them që ka patur një impakt mjaft të mirë. “Apartamenti 2XL” është një spektakël që është bërë mjaft familjar dhe ndiqet shumë. Tashëm është një program që ka konsoliduar pozitat e veta dhe nuk është si në fillim kur pas puntatës së parë dhe të dytë prisnim reagimin e publikut pasi nuk dinim se deri ku do të arrinim. Tani ka marrë rrjedhën normale dhe jemi shumë të kënaqur nga shikueshmëria. Ky sezon duket se po ecën si dy sezonet e kaluara dhe besoj se do të pasohet nga një i katërt, i pestë e me rradhë pasi nuk shoh arsye përse duhet të ndaoljmë nëse ecen mirë. Megjithatë kurrë nuk thuhet kurrë.

Është sezoni i tretë me të njëjtët personazhe dhe të njëjtin drejtues, jeni bërë si një familje e vogël , apo jo ?

Po është e vërtetë. Jemi katër aktorë, Turi, producenti ynë dhe Genti Bejko regjizori. Jemi tamam si një familje e vogël. Por kjo është vetëm pjesa që duket në ekran.  Është dhe një staf i tërë që punon nga pas që e kthen këtë familje në një fis të madh, por nga ata fise që kanë edhe nipër e mbesa (qesh). Jo vetëm stafi por është një kompani e tërë që punon për këtë program pasi Tring Digital e ka vënë në plan të parë këtë program dhe për këtë i falenderoj shumë. Jemi një familje e madhe por ne që punojmë përditë jemi një familje e vogël dhe i ndajmë mendimet afër e afër dhe diskutojmë pa u shpërndarë shumë dhe është një gjë mjaft e mirë për punën.  Sa më afër ti diskutosh gjërat aq më mirë është, sidomos kur ke të bësh me shqiptarë.Deri tani nuk kemi hasur shumë vështirësi pasi unë, Ermali dhe Genti njihemi prej kohësh dhe i kemi të ndara instiktivisht rolet . Gjithashtu me Turin merremi vesh shumë mirë pasi është një moshatar i yni dhe një person shumë i komunikueshëm. Gjithashtu edhe me Gentin pasi kemi punuar bashkë te “Portokalli”, kur ka qenë pjesë e “Shblsh” dhe e njeh mjaft mirë punën tonë, karakteret dhe temperamentin tonë.. Njihemi mjaft mirë me njëri-tjetrin  dhe kjo na e bën më të lehtë punën. Megjithatë jo çdo gjë shkon vaj. Kemi edhe ne problemet tona, nervat, ngërçet dhe situata që të vënë në vështirësi.  Por ngaqë jemi siç i thonë edhe gegët “Pak e sak” nr i kalojmë më shpejt dhe pa vështirësi ngërçet që kemi.

Ndjeheni më mirë të “Apartamenti 2XL” apo të “Portokalli” ?

Te “Portokallia” kam kaluar katër vjet të jetës sime artistike dhe jam ndjerë me të vërtetë shumë mirë. Aty kam hedhur hapat e para të karrierës sime dhe të fushës së komedisë e cila është një zhanër shumë i vështirë. Në të dy këto programe jam ndjerë shumë mirë dhe nuk mund ti krahasoj pasi nuk krahasohet molla me dardhën. Megjithatë duke e parë në këto momente mund të them se jam më rehat këtu. Rehat jo në kuptimin se po lodhem më pak ose nuk ka vështirësi por jam më rehat në mënyrën e të punuarit. Por nuk duhet harruar që shumë elementë të cilëti përdor tani për të bërë humor janë elementë të përfituar nga eksperienca që kam patur në “Portokalli”. Kam fituar disa gjëra që janë bërë pjesë e karakterit dhe personalitetit tim dhe i kam marrë me vete. Në aspektin profesional kam qenë shumë mirë atje si edhe në “Apartamentin 2XL” pasi kam punuar ‘pa hile’ dhe sa të kem fuqinë do të punoj po kështu. Puna jonë ka të bëjë edhe me sinqeritetin pasi do t’a marrësh një situatë dhe do ta vësh në skenë ashtu si ti e ndjen dhe jo siç e ndjen dikush tjetër. Gjithashtu ndryshojnë edhe formatet e dy programeve  pasi këtu jemi paksa më të “zbuluar”. Te “Portokalli” bënim një shumëllojshëmri rolesh dhe mund të përdornim paruke apo mustaqe në varësi të rolit, ndërsa këtu jemi ne me emrat tanë por që duhet tu përshtatemi situatave të ndryshme. Nga kjo pikëpamje mund të them që këtu është pak më e vështirë. Gjithsesi këto janë dy programe që kanë specifikat e tyre por mund të them që profesionalisht  këtu ndjehem shumë më mirë.

Keni patur edhe një përvojë relativisht në televizionin Klan, si do t’a konsideronit atë përvojë ?

Ajo ishte një përvojë kalimtare  dhe nga ana profesionale jo shumë e arrirë. Ishte një eksperiencë simpatike dhe kaluam një vit të këndshëm. Gjithsesi në karrierën e një artisti  ka oshilacione dhe periudha të dobëta. Karriera e një aktori është si EKG që i bëhet zemrës, ka uljet edhe ngritjet e saj. Nëse do të kesh gjithmonë ngritje atëherë do të vijë një moment që nuk ke ku shkon më dhe do biesh dhe do të thyesh kokën. Pas ikjes nga “Portokalli” kishim nevojë për një periudhë për të marrë veten  por e kaluam qetë dhe nuk zgjati shumë.

Nëse do t’ju propozonin do të riktheheshit të “Portokalli” ?

Ti po më pyet a do të rikthehesha të jetoja në Shkodër  (qesh) ? Për momentin nuk do të kthehesha por nuk i dihet kurrë. Televizionet në Shqipëri këta janë dhe mund të ndodhë që të rikthehem përsëri aty. Nuk shoh asgjë anormale në një rikthim timin. Ne në “Apartamenti 2XL” nuk kemi hezituar të ftojmë edhe personazhe që punojnë në Top Channel apo Klan, pa bërë asnjë dallim për median ku ata punojnë mjafton që ata të japin diçka nga vetja. Kuse në kampin tjetër nuk ekziston ky mentalitet. Nuk ka ekzistuar ndonjëherë dhe nuk ekziston ende. Në momentin që do të ekzistojë një mentalitet i tillë edhe atje atëherë nuk do të isha kundra një rikthimi. Bashkëpunimet janë gjithmonë të mira.

Jeni duke punuar me ndonjë projekt jashtë “Apartamenti 2XL” ?

Sapo kam mbaruar një komedi të Alma Hotit, një shfaqje e cila u dha edhe në Shkodër. Për momentin jam duke punuar mbi një pjesë të Woody Allen “Play it again, Sam”,. Një pjesë ku mbizotëron dialogu. Amerikanët flasin shumë, dialogojnë me njëri-tjetrin, jo si europianët të cilët mendojnë shumë dhe flasin pak. Është një pjesë që më përshtatet dhe në të cilën e ndjej veten jaft mirë.

Në cilin teatër do të shfaqet kjo pjesë ?

Nuk e kemi menduar akoma. Sapo të përfundojmë do t’a vëmë në skenë në njërën nga sallat që do të jenë të lira.

Mes gjithë këtyre angazhimeve a e gjeni kohën e nevojshme për të kaluar me familjen ?

Në të vërtetë kam shumë pak kohë për të kaluar me ta megjithëse do të dëshiroja që të kaloja gjithë ditën me bashkëshorten dhe fëmijët e mi. Gjatë kohës që është “Apartamenti 2XL” jemi tërë kohën duke punuar për të . Thuajse gjithë dita shkon nëpër prova  por sapo gjej pak kohë të lirë vrapoj te familja ime. Aty gjej shlodhje dhe megjithëse lodhem shumë me lojërat e tyre gjëj një shlodhje mendore dhe shpirtërore pas gjithë asaj ditë me stres. Mundohem që të dielën që kam pushim ta kaloj me familjen time dhe gjatë kohës që spektakli është pushim përpiqem që të rikuperoj kohën e humbur me familjen time. Përpiqem të argëtohem me aq sa kemi dhe nuk bëj një jetë luksi me avionë personal apo limuzinë (qesh), si të thuash as nuk kemi dhe as na mbarohen.

Vitin e kaluar ishit pjesëmarrës në “Dancing with the stars”, gota ishte gjysëm plot apo gjysëm bosh ?

Gota ishte plot fare, bile gati për tu derdhur (qesh). Me hamendjen time unë besoja se do të eleminohesha që në mbrëmjen e tretë por arrita ama të rezistoj deri në mbrëmjen e njëmbëdhjetë. Ishte një eksperinecë shumë e veçantë që të ndodh njëherë në jetë. Mësova disa gjëra mjaft të lezetshme rreth kërcimit dhe shumë prej nesh mësuan gjëra të reja. Para saj nuk dija të hidhja dy hapa dhe jo më të kërceja. Aty nuk ishte Julian Deda aktor apo Soni Malaj këngëtare, ne u përpoqëm të nxjerrim në pah disa vlera të tjera. Ishim duke komunikuar me publikun, duke kërkuar vota, duke kërcyer dhe kemi marrë mjaft emocione pozitive. Gjëja më e vështirë ishte momenti kur kërkoje vota. Tani e kuptoj se sa e vështirë e kanë politikanët tanë që kërkojnë vota megjithëse besoj politikanët tanë janë mësuar dhe nuk u bëhet më fytyra më rrudha kur dalin dhe kërkojnë vota sa herë që ka zgjedhje. Mu duk një gjë tmerrësisht e vështirë ti kërkoje vota publikut pasi nëse kërkon një gjë natysisht që duhet të japësh diçka në këmbim. Megjithatë ja kam kaluar shumë mirë dhe do t’a konsideroja një eksperiencë mjaft pozitive.

 Ju pëlqen jeta e natës ?

Nuk më pëlqen dhe as që më ka pëlqyer kurrë.  E frekuentoj shumë rrallë, jo vetëm tani që jam familjar  por edhe në kohën kur kam qenë student. Për mendimin tim shtë diçka e zhurmshme që edhe mund të të shqetësojë por kjo nuk do të thotë që jam kundër jetës së natës. Thjesht unë vetë nuk e përballoj dot. Më pëlqen që në Tiranë ka jetë natedhe të rinjtë festojnë dhe ka një larmishmëri jeta e natës megjithëse është pak kaotike në krahasim me qytetet  e tjera europiane. Në përgjithësi ne mesdhetarët pëlqejmë që të jetojmë më shumë natën pasi dita është pksa e nxehtë dhe nuk e përballojmë dot (qesh).

Pini duhan ?

Kam pirë që në moshën 16 vjeçare dhe nuk kam mundur që ta lë.

Marrëdhëniet me alkoolin ?

Shumë rrallë ndodh që të pi ndonjë gotë me miqtë e mi por në përgjithësi nuk jam pijedashës. E konsumoj shumë rrallë alkoolin.

 Falemnderit dhe suksese në sezonin e tretë të “Apartamenti 2XL” !

Falemnderit edhe juvedhe suksese gazetës “Freepress”.

Inis Gjoni : Tek teatri besoj se po gjej vetveten !

 


Që prej rikthimit të saj në Teatër Inis Gjoni duket se nuk dëshiron të ndalet më. Këtë rradhë ajo ka sjellë “Salla e Banjës” nga autorja franceze Astrid Veillon. Komedia flet pesë gra, të moshës 60-vjeçare e poshtë, që kërkojnë Princin e tyre të Kaltër. Hapësira ku femrat qajnë hallet dhe zbulojnë jetën e tyre sentimentale, bashkë me dyshimet për zgjedhjet që duhet të bëjnë në jetë, bëhet çuditërisht një banjë. Në këtë sfond zhvillohen ngjarjet e komedisë “Salla e banjës”, që mban firmën e regjisores Inis Gjoni, dhe ku marrin pjesë aktoret Hajrie Rondo, Marsela Lena, Klea Konomi, Klara Shehu dhe Niada Saliasi. Janë katër femra, katër karaktere, përballë të cilave qëndron një e pestë, nëna e njërës prej vajzave, interpretuar nga Rondo. Megjithëse ato janë shumë të zhgënyera, tradhëtuara dhe të mërzitura përsëri  presin princin e tyre të kaltër. Shfaqja është pritur shumë mirë nga publiku kryeqytetas në premierën e saj ku ndër të tjera knë mundur të marrin pjesë edhe disa gra nga burgu u gravë në Tiranë. Regjizorja Inis Gjoni na flet për vështirësitë dhe lodhjen që ka përjetuar për vënien në skenë të kësaj shfaqjeje dhe disa aspekte të jetës së saj private.
Inis, si po shkon shfaqja juaj më e fundit, “Salla e banjës”?
Jam shumë  e kënaqur për shumë arsye . E para sepse  kam kaluar dy muaj në prova dhe përgatitje shumë impenjative por që në fund më falën shumë kënaqësi . Kam  punuar me aktore të reja por tepër të përgjegjshme në profesionin e tyre, të përkushtuara dhe me një disiplinë që më ka bërë të ndjehem mes  artistëve të përgjegjshme  dhe që e duan  dhe e respektojnë profesionin  e tyre . Sigurisht që prezenca e artistes së madhe, zonjës Hajrie  Rondo na ka bere të ndjehemi komodë me thjeshtësinë e një  artisteje  të vërtetë  për të cilën e falenderoj. Atmosfera në grup ka qenë tepër e këndshme ndaj që në fillimet e saj them se e kemi shijuar këtë komedi por që nga ana tjetër dhe që jemi lodhur shumë . Por fakti që shfaqja është pritur shumë mirë na bën që të harrojmë lodhjen që të fal  çdo punë krijuese, impenjative . Diçka tjetër që më bën të ndihem mirë është dhe fakti  që kjo shfaqje tashmë po kërkohet të jetë në skenën e Teatrit Kombëtar nga publiku i cili po shfaq një interes mjaft të lartë. Fundja kjo është kënaqësia më e madhe  për një punë skenike, të jetë sa më afër publikut i cili shpesh është kritiku më i mirë .
Meshkujt , në shfaqje, cilësohen si “Derra”, të njëjtin mendim ndani edhe ju ?

Jo nuk mendoj ashtu  , bile edhe në shfaqje del  qartë se këto femra luftojnë në fund të fundit për të gjetur dashurine e tyre .

Hajrie Rondo mes katër femrave të reja, përse zgjodhët pikërisht atë ?

Prezenca e artistes Hajrie Rondo mendoj se ishte një zgjedhje e drejtë nga ana ime dhe jam shumë  e kënaqur që mu dha mundësia të punoj me një artiste si zonja Hajrie Rondo . Mënyra se si publiku e pret kur ngjitet në skenë është e mrekullueshme .
Mendoni se jeta teatrore është në lartësine e duhur në Tiranë ?
Këto  ditë teksa kam parë se si ka ecur kjo shfaqje më ka bërë të ndryshoj mendim ndofta jo tërësisht , por ka ende publik që e do teatrin dhe ndihem e kënaqur teksa shikoj njerëz që  vijnë në sportelin e teatrit të interesuar për të ndjekur shfaqjet në Teatrin Kombëtar . Përsa  i përket teatrit nëse ai është në lartësinë e duhur do të thoja se, aktualisht janë vënë në skenë shumë vepra të sukseshme si  “Art” e Artthur Miller, apo “Salla e banjës” dhe së shpejti do të vihet në skenë “Shtrigat  e Salemit “ .

Çfarë është teatri për ju ?
Tek teatri besoj se po gjej vetveten . Teatri është një magji që të bën të jetosh jetë , kohë , karaktere të ndryshme . Të zhvendos  shpesh herë në kohë dhe në hapësirë.
E konsideroni veten një femër tradicionale apo moderne ?
Pak nga të dyja .
Sekreti i formës suaj ? 
Nuk kam ndonjë sekret ,madje këto kohë nuk jam duke mbajtur as edhe ndonjë dietë e as duke shkuar në palestër , ndoshta duhet të jetë gjenetike  (qesh) .
Ndjeheni një femër me fat po një femër e zonja ?
Pak nga të dyja. Normalisht që duhet të jesh e zonja në punën që bën por duhet pak edhe ndihma e fatit.
 Do të bënit ndonjë gjë ndryshe nëse do ktheheshit prapa ?
Ndoshta kur kthejmë kokën pas gjithmonë mendojmë nëse shumë gjëra mund të bëjmë ndryshe , por unë personalisht nuk mendoj se do të ndryshoja ndonjë gjë por do të kisha dashur ndoshta ti bëja disa gjëra më mirë , pasi gjithmonë ka vend për përmirësim.
 Ju ka ngelur ndonjë peng në jetën tuaj apo ndonje peng artisitk ?
Nga jeta artistike nuk kam ndonjë pishman ,por do të doja që në të ardhmen të mos ndodhë që të kem ndonjë pishman.
Dini të gatuani ?
Nuk di mirë të gatuaj ,por mundohem ndonjëherë megjithëse nuk janë shumë të shijshme , por  e kam të zgjidhur këtë problem , motra ime e madhe gatuan dhe për mua .

Specialiteti juaj ?
Nuk kam ndonjë specialitet por do të thoja që makaronat ndonjëherë më dalin të shijshme .
 Pini cigare ?
Po . Por po mundohem që t’a lë .
Konsumoni alkool ?
Konsumoj me raste, vetëm kur mblidhemi me familjen dhe miq.


Si po shkon jeta juaj private ?
Shumë mirë .

Inis Gjoni : Tek teatri besoj se po gjej vetveten !

Adam Clay : Femrat shqiptare ? Nje thesar!

 

 

Jo shumë persona e njohin emrin e Adam Clay por padyshim që njohin këngët e tij. Adam Clay është një këngëtar me origjinë nga Barbados por i lindur në Bologna, Itali. Një kantautor me një zë mjaft potent dhe të qartë. “Beautiful life”, “Over the rainbow”, “Put your hands up”, “Be together”, “Feel this way” dhe padyshim superhiti “Babylonia” janë disa prej këngëve me të njohura të tij. “Muzika ka lindur së bashku me mua, nuk mbaj mend një moment të jetës sime që të mos kem kënduar” – thotë Adam. Por si profesionist  ai e nisi në moshën 15 vjeçare me një grup të tijin i cili luante muzikë reggae. Karriera e tij filloi ngritjen në vitin 2006 kur publikoi këngën “Born Again”, një bashkëpunim me Ricky L. e cila u kthye në një hit në gjithë botën, një këngë e cila më vonë u bë një remix i quajtur “Born Again – Babylonia” dhe u lançua nga shtëpia e njohur diskografike “Jamie Leëis 'Purple Music”. Që prej asaj kohe Adam Clay ka bashkëpunuar me shumë prej artistëve më të mëdhenj italianë si Karim Razak, Fedo Mora, Raf Marchesini, Simone Farina, Stolfi & Kina, Rod Debyser, Sergio Mauri, Florian Meindl, Mauro del Principe, Enzo Elia, Dj Castello dhe shumë emra të tjerë. Emri i Adam Clay filloi të rritej dhe gjithë turma e mbledhur ulëriste “Babyloniaaaa”. Megjithë problemet qe ka pasur lidhur me këngën “Babylonia”, një çështje që u zgjidh në gjykatë në favor të tij, 2010 ka qenë padyshim viti i artë duke marrë pjesë në disa prej klubeve më të mëdhenj në botë dhe duke bashkëpunuar me këngëtarë si : Bob Sinclar, 50 Cent, Sean Paul, Ferry Corsten, De La Soul, Fat Man Scoop, Mr Hudson, Chris Jones, Amanda Wilson dhe shumë të tjerë.Aktualisht Adam Clay është në një tour në Amerikën Latine dhe gjithashtu po punon për albumin e tij të parë si solist. Ndër vendet që Adam Clay ka vizituar gjatë verës së kaluar ka qenë edhe Shqipëria. Riviera, njerëzit dhe në veçanti femrat i kanë bërë mjaft përshtypje. “Shqipëria ka qenë një dashuri me shikim të parë. Shpresoj dhe besoj se do të rikthehem shumë shpejt”.

Adam, kur nisi karriera juaj muzikore ?

Ka filluar para shumë vitesh, pak a shumë kur kam qenë në moshën 15 vjeçare. Në këtë moshë kam filluar të punoj, kuptohet, pasi nuk mbaj mend një moment në jetën time ku kam rreshtur së kënduari. Hera e parë që kam fituar para ka qenë kur luaja muzikë në Amsterdam me grupin tim të parë. Luanim muzikë reggae dhe kam jetuar katër vite të mrekullueshme të jetës sime në Amsterdam…të paharrueshëm !! Pas asaj periudhe kam patur shumë bashkëpunime me repera amerikanë dhe italianë, me prodhues të muzikës elektronike në përgjithësi deri në vitin 2005 kur Ricky Rinaldi, producenti im i parë nga Bologna, më kontaktoi për të kënduar këngën që më vonë u shndërrua në të famshmen “Babylonia”, e cila fillimisht u titullua “Born Again”. Pas asaj kënge shumë persona nisën të më kontaktonin derisa emri i Adam Clay u bë një emër i rëndësishëm i muzikës dance ndërkombëtare dhe duke lënë modestinë mënjanë, një prej kantautorëve më të kërkuar nga producentët dhe deejay –t italianë.

Cili ka qenë klipi juaj i parë ?

Videoklipi im i parë professional ka qenë ai i këngës “Be together” më Karim Razak dhe Dani B., një single i cili verën e kaluar  ka patur një sukses të jashtëzakonshëm në shumë vende të botës si dhe në vendin tuaj, mbi të gjitha falë ndihmës së Top Albania Radio dhe dj Aldo, i cili është një mik shumë i mire i imi dhe një profesionist i madh.

Keni bashkëpunuar me artistë të mëdhenj me famë botërore si 50 Cent, Bob Sinclair dhe shumë të tjerë, cilin do të konsideronit si bashkëpunimin tuaj më të suksesshëm ?

Bashkëpunim është një fjalë e madhe, le të themi më mirë që  jemi njohur dhe kemi punuar në të njëjtat skena së bashku në disa mbrëmje të paharrueshme për mua që nuk do ti harroj kurrë. Megjithatë do të thosha që në koncertin që kam patur në “Corte degli Angeli” me Bob Sinclair jam dëfryer pamasë, me të vërtetë një mbrëmje e bukur !

Vendi më i bukur ku keni performuar ?

“Sky Bar” në Beirut, Liban, ka qenë një prej klubeve më të mrekullueshme ku kam patur fatin të performoj, bile direct pas 50 Cent. Atë mbrëmje e kam mbyllur me dy mijë persona që këndonin bashkë me mua këngët “Babylonia” dhe “Beautiful life”. Dy superhite në atë vend, dhe jo vetëm aty…(qesh)

Çfarë është muzika për ju ?

Është jeta ime…

Do t’a ndërroje për diçka tjetër ?

Për familjen, për shëndetin, dhe për paqen në botë !!! Megjithëse duket si një fjalim për Miss Botën…hahhahah…

Projekti juaj i ardhshëm ?

Oh Zot, janë me të vërtetë aq shumë sa nuk i mbaj mend të gjithë, por projektet më të rëndësishme janë klipi ndjekës i “Beautiful life” me miqtë e mi Karim Razak, Fedo Mora dhe Raf Marchesini si dhe “Babylonia” padyshim. Pastaj do të mendoj për albumin tim si solist, për të cilin kam filluar që tani të punoj.

“Babylonia” ka patur një sukses të jashtëzakonshëm dhe ju ka bërë të njohur në mbarë botën, jeni të kënaqur siç ishte parashikuar apo ka ecur më mirë se sa e prisnit ?

Shuuuumë më tepër nga ajo që kishim parashikuar. Versioni i parë i Ricky L. “Born Again” kishte patur një sukses shumë të madh ndërsa remix-i i Balearic Soul i ardhur nën titullin “Babylonia” është shndërruar në një sukses planetar dhe ju garantoj që nuk ka për të mbaruar me kaq… por për momentin nuk mund t’ju them më shumë, është top secret !!!

Keni ardhur verën e kaluar edhe në vendin tonë, ju ka pëlqyer Shqipëria ?

Adam Clay e adhuron Shqipërinë, ishte thjesht një dashuri me shikim të parë !

Si ju duk Vlora ?

Kam kaluar me të vërtetë shumë mirë, një qytet i bukur, det i bukur, një peshk i shkëlqyer bile po shfrytëzoj rastin për të falenderuar stafin e “Coco Bongo” për mikpritjen e shkëlqyer.

Ju kanë pëlqyer njerëzit ?

Fantastikë ! Të gjithë të sjellshëm dhe mund të them që jam dëfryer shumë.

Po femrat shqiptare ?

Pa koment ! Kjo edhe për faktin që nuk ka nevojë që të bëj ndon jë koment. Të dashur meshkuj shqiptarë shpresoj që t’a vini re se çfarë thesari keni !

Ka diçka tjetër që mund të thoni për lexuesit e gazetës “Freepress” ?

Në fakt dëshiroj të them diçka që pakkush e di. Unë prodhoj muzikë në tre emra të ndryshëm :Adam Clay për muzikën dance, ASK në muzikën reggae/dancehall dhe produksionet electrobeat si dhe Ricardo Phillips për muzikën soul, R’n’B dhe hip-hop kryesisht në gjuhën italiane. Përsa I përket lokaleve ku kam performuar do të doja të përmendja Sky Bar në Beirut dhe People by Cristal në Dubai. Janë vende të mrekullueshme. Por shfaqja “live” që ka lënë shenjë në karrierën time është ajo e 6 nëntorit 2010 në NRJ MUSIC TOUR së bashku me Ricky L në Forum të Beirut-it përpara 10 mijë personave të cilët në delir ulërisnin “Babyloniaaaaaaa…”. Një mbrëmje e mahnitshme, më e bukura e karrierës sime !

Falemnderit për intervistën dhe suksese !

Falemnderit juve dhe mos harroni ! Duart lart (qesh)!

Adam Clay : Femrat shqiptare ? Nje thesar!

Jo shumë persona e njohin emrin e Adam Clay por padyshim që njohin këngët e tij. Adam Clay është një këngëtar me origjinë nga Barbados por i lindur në Bologna, Itali. Një kantautor me një zë mjaft potent dhe të qartë. “Beautiful life”, “Over the rainbow”, “Put your hands up”, “Be together”, “Feel this way” dhe padyshim superhiti “Babylonia” janë disa prej këngëve me të njohura të tij. “Muzika ka lindur së bashku me mua, nuk mbaj mend një moment të jetës sime që të mos kem kënduar” – thotë Adam. Por si profesionist  ai e nisi në moshën 15 vjeçare me një grup të tijin i cili luante muzikë reggae. Karriera e tij filloi ngritjen në vitin 2006 kur publikoi këngën “Born Again”, një bashkëpunim me Ricky L. e cila u kthye në një hit në gjithë botën, një këngë e cila më vonë u bë një remix i quajtur “Born Again – Babylonia” dhe u lançua nga shtëpia e njohur diskografike “Jamie Leëis 'Purple Music”. Që prej asaj kohe Adam Clay ka bashkëpunuar me shumë prej artistëve më të mëdhenj italianë si Karim Razak, Fedo Mora, Raf Marchesini, Simone Farina, Stolfi & Kina, Rod Debyser, Sergio Mauri, Florian Meindl, Mauro del Principe, Enzo Elia, Dj Castello dhe shumë emra të tjerë. Emri i Adam Clay filloi të rritej dhe gjithë turma e mbledhur ulëriste “Babyloniaaaa”. Megjithë problemet qe ka pasur lidhur me këngën “Babylonia”, një çështje që u zgjidh në gjykatë në favor të tij, 2010 ka qenë padyshim viti i artë duke marrë pjesë në disa prej klubeve më të mëdhenj në botë dhe duke bashkëpunuar me këngëtarë si : Bob Sinclar, 50 Cent, Sean Paul, Ferry Corsten, De La Soul, Fat Man Scoop, Mr Hudson, Chris Jones, Amanda Wilson dhe shumë të tjerë.Aktualisht Adam Clay është në një tour në Amerikën Latine dhe gjithashtu po punon për albumin e tij të parë si solist. Ndër vendet që Adam Clay ka vizituar gjatë verës së kaluar ka qenë edhe Shqipëria. Riviera, njerëzit dhe në veçanti femrat i kanë bërë mjaft përshtypje. “Shqipëria ka qenë një dashuri me shikim të parë. Shpresoj dhe besoj se do të rikthehem shumë shpejt”.

Adam, kur nisi karriera juaj muzikore ?

Ka filluar para shumë vitesh, pak a shumë kur kam qenë në moshën 15 vjeçare. Në këtë moshë kam filluar të punoj, kuptohet, pasi nuk mbaj mend një moment në jetën time ku kam rreshtur së kënduari. Hera e parë që kam fituar para ka qenë kur luaja muzikë në Amsterdam me grupin tim të parë. Luanim muzikë reggae dhe kam jetuar katër vite të mrekullueshme të jetës sime në Amsterdam…të paharrueshëm !! Pas asaj periudhe kam patur shumë bashkëpunime me repera amerikanë dhe italianë, me prodhues të muzikës elektronike në përgjithësi deri në vitin 2005 kur Ricky Rinaldi, producenti im i parë nga Bologna, më kontaktoi për të kënduar këngën që më vonë u shndërrua në të famshmen “Babylonia”, e cila fillimisht u titullua “Born Again”. Pas asaj kënge shumë persona nisën të më kontaktonin derisa emri i Adam Clay u bë një emër i rëndësishëm i muzikës dance ndërkombëtare dhe duke lënë modestinë mënjanë, një prej kantautorëve më të kërkuar nga producentët dhe deejay –t italianë.

Cili ka qenë klipi juaj i parë ?

Videoklipi im i parë professional ka qenë ai i këngës “Be together” më Karim Razak dhe Dani B., një single i cili verën e kaluar  ka patur një sukses të jashtëzakonshëm në shumë vende të botës si dhe në vendin tuaj, mbi të gjitha falë ndihmës së Top Albania Radio dhe dj Aldo, i cili është një mik shumë i mire i imi dhe një profesionist i madh.

Keni bashkëpunuar me artistë të mëdhenj me famë botërore si 50 Cent, Bob Sinclair dhe shumë të tjerë, cilin do të konsideronit si bashkëpunimin tuaj më të suksesshëm ?

Bashkëpunim është një fjalë e madhe, le të themi më mirë që  jemi njohur dhe kemi punuar në të njëjtat skena së bashku në disa mbrëmje të paharrueshme për mua që nuk do ti harroj kurrë. Megjithatë do të thosha që në koncertin që kam patur në “Corte degli Angeli” me Bob Sinclair jam dëfryer pamasë, me të vërtetë një mbrëmje e bukur !

Vendi më i bukur ku keni performuar ?

“Sky Bar” në Beirut, Liban, ka qenë një prej klubeve më të mrekullueshme ku kam patur fatin të performoj, bile direct pas 50 Cent. Atë mbrëmje e kam mbyllur me dy mijë persona që këndonin bashkë me mua këngët “Babylonia” dhe “Beautiful life”. Dy superhite në atë vend, dhe jo vetëm aty…(qesh)

Çfarë është muzika për ju ?

Është jeta ime…

Do t’a ndërroje për diçka tjetër ?

Për familjen, për shëndetin, dhe për paqen në botë !!! Megjithëse duket si një fjalim për Miss Botën…hahhahah…

Projekti juaj i ardhshëm ?

Oh Zot, janë me të vërtetë aq shumë sa nuk i mbaj mend të gjithë, por projektet më të rëndësishme janë klipi ndjekës i “Beautiful life” me miqtë e mi Karim Razak, Fedo Mora dhe Raf Marchesini si dhe “Babylonia” padyshim. Pastaj do të mendoj për albumin tim si solist, për të cilin kam filluar që tani të punoj.

“Babylonia” ka patur një sukses të jashtëzakonshëm dhe ju ka bërë të njohur në mbarë botën, jeni të kënaqur siç ishte parashikuar apo ka ecur më mirë se sa e prisnit ?

Shuuuumë më tepër nga ajo që kishim parashikuar. Versioni i parë i Ricky L. “Born Again” kishte patur një sukses shumë të madh ndërsa remix-i i Balearic Soul i ardhur nën titullin “Babylonia” është shndërruar në një sukses planetar dhe ju garantoj që nuk ka për të mbaruar me kaq… por për momentin nuk mund t’ju them më shumë, është top secret !!!

Keni ardhur verën e kaluar edhe në vendin tonë, ju ka pëlqyer Shqipëria ?

Adam Clay e adhuron Shqipërinë, ishte thjesht një dashuri me shikim të parë !

Si ju duk Vlora ?

Kam kaluar me të vërtetë shumë mirë, një qytet i bukur, det i bukur, një peshk i shkëlqyer bile po shfrytëzoj rastin për të falenderuar stafin e “Coco Bongo” për mikpritjen e shkëlqyer.

Ju kanë pëlqyer njerëzit ?

Fantastikë ! Të gjithë të sjellshëm dhe mund të them që jam dëfryer shumë.

Po femrat shqiptare ?

Pa koment ! Kjo edhe për faktin që nuk ka nevojë që të bëj ndon jë koment. Të dashur meshkuj shqiptarë shpresoj që t’a vini re se çfarë thesari keni !

Ka diçka tjetër që mund të thoni për lexuesit e gazetës “Freepress” ?

Në fakt dëshiroj të them diçka që pakkush e di. Unë prodhoj muzikë në tre emra të ndryshëm :Adam Clay për muzikën dance, ASK në muzikën reggae/dancehall dhe produksionet electrobeat si dhe Ricardo Phillips për muzikën soul, R’n’B dhe hip-hop kryesisht në gjuhën italiane. Përsa I përket lokaleve ku kam performuar do të doja të përmendja Sky Bar në Beirut dhe People by Cristal në Dubai. Janë vende të mrekullueshme. Por shfaqja “live” që ka lënë shenjë në karrierën time është ajo e 6 nëntorit 2010 në NRJ MUSIC TOUR së bashku me Ricky L në Forum të Beirut-it përpara 10 mijë personave të cilët në delir ulërisnin “Babyloniaaaaaaa…”. Një mbrëmje e mahnitshme, më e bukura e karrierës sime !

Falemnderit për intervistën dhe suksese !

Falemnderit juve dhe mos harroni ! Duart lart (qesh)!