Një familje shkodrane ishte duke pa në televizor Sali Berishën duke u përpjekur me tregu një barsoletë për shkodranët. E dëgjuan dhe nuk po kuptonin gjë. Thirrën komshiun.
- A e ndigjut mor Sal Berishën duke diftu barsoletë për ne?
- Po, e kena digju, por send s’kena kuptu?
- Po çfarë desht me thonë mor zot, se ndoshta e ka pas për mirë, e s’jena marr vesh?
- Po s’di, diçka me seks, e kishte një gru që flinte me një burrë e që kish ardh Liqeni me i mbyt e ajo gruaja s’donte me u çu… diçka e tillë.
- Po mirë, mirë tregimi, po barsoleta ku ishte?
- Ahu s’mujti me e dëftu barsoletën se erdhi Liqeni, pra e mori ujët.
***
Dje në pikën kufitare të Vërmicës që lidh Kosovën me Shqipërinë kishte shumë gazetarë që shkonin nga Shqipëria për zgjedhje në Kosovë. Një gazetare me emrin Albana, kur e pa që u bë radhë e madhe, parakaloi dhe shkoi tek sporteli.
- A mund të ma vulosësh pak pasaportën, tha, se jam Albana.
Polici sa dëgjoi emrin, mori qëndrim.
- Patjetër zonjë, në çast ua vulos.
Shoi tek komandanti dhe i tha se duhet me kalu pa radhë ajo çika se keka me emrin Albana.
Komandanti ruajti qetësinë dhe i tha policit të shikonte një tabelë të shkruar mbi sportel nga brenda zyrës. Në të shkruhej: “Mos ngatërroni emrin Albana, me Albania. E para është femër, që pretendon se është shteti, e dyta është shtet në gjininë femërore. Kujdes! Të dyja i kemi fqinje”.
No comments:
Post a Comment